استغاثة زوجة مظلومة

السلام عليكم شحالكم جميعا اولا حابة اقولكم ماعرفت فاي قسم احط هلموضوع وبلاخر استقر رايي احطه هني بس اذا تشوفونه فالقسم الخاطئ حطوه فلقسم المناسب الموضوع يخص ربيعتي طلبت مني انشره فلمنتدى لنها وايد محتارة ومب قادرة ترسي على بر الموضوع هو قصة حياتها ومشكلتها الحالية وتتمنى انكم تساعدونها بابداء ارائكم فمشكلتها اقروا القصة كاملة بعدين قولوا رايكم بكل صراحة نقول بسم الله ونبتدي
القصة بدت فسنة 94 البنت اسمها رهف طالبة فالصف الثاني اعدادي عمرها13سنة متفوقة فدراستها من اسرة متدينة حبوبة طيوبة جميلة وقبيلتها من الاشراف مدرستها مجابلة كلية والدراسة فلكلية مختلط بداية القصة فيوم من الايام كانت طالعة من المدرسة وفجاة وهي تعبر الشارع كانت بتصدمها سيارة وقف السايق ونزل يعتذر ومن يومها والسايق يحاول يتعرف عليها وعطاها رقم موبايله عاد ذيج الايام كانت الموبايلات نادرة لنها بداية ظهورها المهم البنت كانت فسن المراهقة بدت تقول سالفتها لربيعاتها وشوي شوي حاولوا يقنعونها تتعرف عليه عقب شهر من الحادثة اتصلت به وفرح وايد نسيت اخبركم الريال اسمه فهد طالب فلكلية الي مجابلة مدرسة رهف من جنسية خليجية عمره25سنة فبداية تعارفه ويا رهف كان متزوج وعنده بنت بس طبعا خبر رهف انه مب متزوج لنة زوجته كانت فبلادهم مب وياه المهم عقب سنة من تعارفهم هي حبته بطبيعة الحال لنه اول شاب تتعرف عليه فحياتها وعقب سنة اعترف لها انه يحبها ويبا يتزوجها بس هو متزوج ويباهازوجة ثانية رهف انصدمت وقطعت علاقتها به وقالت له هي مب خرابة بيوت وطلبت منه يرجع لزوجته وينساها وتم شهور يتصل بها وهي ماترد عليه وفنهاية عقب كم شهر وقف عدال مدرستها وترياها ويوم شافها قالها انه طلق زوجته من 3شهور ويبا يتزوجها قالت له عيب هلكلام فشارع بتتصل به تتفاهم وياه بعدين المهم اتصلت به وقالت له هي ماطلبت منه يطلق زوجته عشانها وهي مالها ذنب يطلقها عشان خاطر وحدة ثانية المهم تمت زعلانة منه بس هو حاول يراضيها ويقنعها انه ماكان قادر يستمر ويا زوجته وهو يحبها هي المهم رضت فنهاية فطلب منها يتقدم لها ويوم خطبها ابوها رفض كيف هي بنت الاشراف يزوجها لواحد خال ومطلق واكبر منهاب12سنة المهم خبرت ابوها انها مابتتزوج غيره هلكلام يوم كانت صف ثالث اعدادي ومرت ثلاث سنوات وهي ترفض العرسان فنهاية ابوها خيرها بين اهلها وبين هريال واختارت فهد على قناعة ان ابوها بيرضى عنها عقب كم سنة وتزوجوا شهر6عقب ماخلصت رهف الثانوية العامة سنة1999وسافرت ويا ريلها بلاده وابوها واخوانها واعمامها زعلانين منها المهم اول ثلاث سنين يابت منه بنتين وكانوا عايشين سمن على عسل وفجاة تغير فهد صار يشتمها ويهينها وشوي شوي بدى يهين اهلها بعدين صار يضربها وهي ماقدرت تدخل اهلها عشان ابوها بعده زعلان منها المهم صبرت وسكتت وعقب 9سنين زواج اكتشفت انه يخونها فصارت تنفر منه جنسيا فاتهمها بلبرود وعقب سنة صارحته انها تنفر منه لنها عارفة انه يخونها وخيرته يايترك الخيانة او يهجرها فلفراش عشان مايبلها امراض واختار الهجر وعقب سنتين من الهجر يعني من حوالي شهر ونص او اقل خبرها انه بيتزوج عليها عاد لين هني وماقدرت تستحمل اتصلت بابوها وقالت له كل شي وابوها قال لها هذا اختيارها وتتحمل نتايج اختياره وهو ماراح يتدخل ولا بيساعدها واذا تطلقت ماراح يستقبلها فبيته المهم طلبت الطلاق فوافق بشرط تتنازل عن بناتها ومؤخرها واذا حكمت لها المحكمة بحضانتها لبناتها تتنازل عن نفقة وسكن بناتهاوهي الحين محتارة عقب12 سنة زواج وعقب كل لي عانته وياه يجازيها جي تقول صرت اكرهه وهي لي عمرها ماكرهت حد وتقول ماتقدر تتحمل تعيش معاه وفنفس ماتدري كيف بيكون مستقبلها اذا كانت مطلقة خاصة انها ماعندها شهادة واهلها متخليين عنها وصعبة تحصل وظيفة فبلد زوجها لنه ماسوالها جواز يلاده وفبلاده اولوية التوظيف للمواطنات وفنفس الوقت ماتقدر تتحمل تعيش وياه وهو هاجرنها ولا متزوج عليها طلبت مني المسكينة انشر مشكلتها وطلبت رايكم لو كنتو فمكانها تشتري نفسها وتبيع بناتها ولا تبيع نفسها وتشتري بناتها ردوا علي الله يخليكم هي تتريا ارائكم
ملحوظة:هي صلت الاستخارة اكثر من مرة وبعدها محتارة

شكرا لك على الموضوع المميز..