معلومات ملينا من كثر مايقولونها وهي غلط

من اللي قالكـ هالشي ؟




- هاهـ , هم قالوا لي ..





طيب , وشلون جبت هالمعلومه هذي ؟





- وشلون ؟ ايه مدري بس يعني هم قالوا لي ..




على اي اساس استندت ؟





- على هذاكـ .. ياخي هم قالوا لي ..






ياكثر مانسمع هالجمله .. او مثيلاتها ..


[ندعوك للتسجيل في المنتدى أو التعريف بنفسك لمعاينة هذه الصورة]


بسم الله , السلام عليكم ورحمة الله وبركاتهـ ..





ياجماعه قبل كم يوم قريت شي خلاني اعيد التفكير مراراً وتكراراً في عدة مسائل ..




قريت معلومات الكل كان متيقن انها صحيحه .. وهي والله مادلت الصح ..




بعد ماقريتها .. جلست افكر .. غير هالمعلومات هذي ..




كم معلومه مغلوطه يتداولها الناس على انها معلومات صحيحه ؟




كثير .. كثير ..





جزمت .. اني احط حد لهالخرابيط [ندعوك للتسجيل في المنتدى أو التعريف بنفسك لمعاينة هذه الصورة] ..





بس قبل كل شي .. خلونا نستعرض على السريع بعض من هالمعلومات المغلوطه ../

















[ندعوك للتسجيل في المنتدى أو التعريف بنفسك لمعاينة هذه الصورة]




( سم العقرب .. طريق القبر .. )




يعتقد الكثيرين ان سم العقرب مايردهـ عن طريق القبر شي [ندعوك للتسجيل في المنتدى أو التعريف بنفسك لمعاينة هذه الصورة] ..





يعني ان سم العقرب " مميت " .. وهذا اعتقاد خاطئ ..





حيث ان اقوى سم العقارب مايقتل ! ولكن قد يتسبب بموت ( الطفل الرضيع , كبير السن , مريض القلب ) إذا لم يتم علاجه ..





فإذا لدغتكـ عقرب لاسمح الله .. اعرف انكـ ماراح تموت بحول الله ..





روّق .. وهد اعصابكـ .. وانحر اقرب مركز صحي او مستشفى ..





- وعلى فكرهـ .. ترى العقرب كائن غبي [ندعوك للتسجيل في المنتدى أو التعريف بنفسك لمعاينة هذه الصورة] , اي شي قدامه يحاول يلدغه ..




يعني لو يصدم بـ جدار .. حاول انه يلدغ الجدار .. جد والله ..





شي غبي .. [ندعوك للتسجيل في المنتدى أو التعريف بنفسك لمعاينة هذه الصورة]









[ندعوك للتسجيل في المنتدى أو التعريف بنفسك لمعاينة هذه الصورة]





( مشينا نهظّم ؟ ) ..





امر شائع عن اغلب الناس ..





بعد مايضرب لكـ وجبه دسمه .. يآخذ له واحد من ربعه ..





ويمترون المكان اللي هم فيه .. ويعدون الكيلوات ..





طيب ليش ؟ يقولكـ ( والله ودنا نهظّم الأكل اللي تو أكلنا ) .. [ندعوك للتسجيل في المنتدى أو التعريف بنفسك لمعاينة هذه الصورة]





غلط !





الحركه هذي بتقلل تدفق الدم للجهاز الهظمي .. وبالتالي تقل عملية او سرعة الهظم عن الوضع الطبيعي ..





فينصح بعد أكل وجبه دسمه .. انكـ تمدد رجيلاتكـ وتروق .. وتخلي الباقي على الجهاز الهظمي .. هو يعرف شغله [ندعوك للتسجيل في المنتدى أو التعريف بنفسك لمعاينة هذه الصورة] ..





حتى ان العلماء يقولون ان ( الأسد ) بعد مايجرش [ندعوك للتسجيل في المنتدى أو التعريف بنفسك لمعاينة هذه الصورة] احد الفرائس يتكّي تحت شجرهـ ويمدد .. ما شافوهـ يمتر المكان ومن كيلو لـ كيلو ..











[ندعوك للتسجيل في المنتدى أو التعريف بنفسك لمعاينة هذه الصورة]




حلاو بقر .. للأبد .. [ندعوك للتسجيل في المنتدى أو التعريف بنفسك لمعاينة هذه الصورة]




( لا تآكل حلو وآجد , يجيكـ السكّر )





فيه اعتقاد خاطئ .. بأن أكل السكريات هو اللي يجيب مرض السكر ..! [ندعوك للتسجيل في المنتدى أو التعريف بنفسك لمعاينة هذه الصورة]





يعني لو أكلت سكر كثير تراكـ بتمرض بـ مرض السكر ..





وهو السبب الرئيسي ..





برضو غلط .. :/





مرض السكر سببه هو تلف في خلايا ( بيتا في البنكرياس ) ..





او عدم فعالية الأنسولين المفرز داخل جسم الإنسان ..





ولحدوث هالشي اسباب متعددهـ .. ولكـ ان تتخيل ان اكل السكريات ماينطوي تحت هالأسباب !













[ندعوك للتسجيل في المنتدى أو التعريف بنفسك لمعاينة هذه الصورة]




( إلهم بس إلهم , اذا مانفعكـ ماضركـ ! )





وش اللي اذا مانفعني ماضرني .. ليش يعني وش السر في ( الاعشاب الطبيّه ) .. [ندعوك للتسجيل في المنتدى أو التعريف بنفسك لمعاينة هذه الصورة]





الواحد يآكلها اذا تعب .. اما انها تنفعه او مستحيل تضرهـ ..!





المشكله ان هالشي متداول حتى في ( الصيدليات ) ..





الصيدلي المفروض عارف ودارس ..





يبربر عليكـ المصري : العلاق دا متكون من اعشاب طبيعيه .. موش حتزُركـ .. ماتخفش !





وكل هالبربرهـ علشان بس يبيع السلعه ويلهف من وراكـ دراهم .. ولو تموت .. ماعليه منكـ ..





ياجماعه .. بعض الأعشاب (( ســـــام )) .. ! [ندعوك للتسجيل في المنتدى أو التعريف بنفسك لمعاينة هذه الصورة]





وبعضها يسبب حساسيّه لناس معينه ..





الاعشاب " تحوي على مواد كيميائيه " .. مثلها مثل بقيّة الأدويه , بس انها طبيعيه .. وماتم تحضيرها في المصنع !













[ندعوك للتسجيل في المنتدى أو التعريف بنفسك لمعاينة هذه الصورة]




( قلبكـ .. في الشق الأيسر ) .. [ندعوك للتسجيل في المنتدى أو التعريف بنفسك لمعاينة هذه الصورة]




من قال انه في الجهه اليسرى تماماً للإنسان ؟





القلب موجود ( بين الرئتين ) بالضبط .. لكنه يميل بشي بسيط للجههة اليسرى ..











[ندعوك للتسجيل في المنتدى أو التعريف بنفسك لمعاينة هذه الصورة]




( طف المكيف الحار .. تبي تمرضني انت !؟ ) [ندعوك للتسجيل في المنتدى أو التعريف بنفسك لمعاينة هذه الصورة]





في (جونا الحالي) .. وضروسكـ تتصافق من قوة البرد ..





راكب سيارتكـ ومشغل المكيف على الحار .. تبي الدفاء [ندعوك للتسجيل في المنتدى أو التعريف بنفسك لمعاينة هذه الصورة] ..





بعد ماتحس ان جسمكـ نشب في المرتبه من الحرارهـ [ندعوك للتسجيل في المنتدى أو التعريف بنفسك لمعاينة هذه الصورة] .. وتفق كشركـ مستانس [ندعوك للتسجيل في المنتدى أو التعريف بنفسك لمعاينة هذه الصورة] .. لأن وجهكـ بدأ يرجع طبيعي ويتحركـ ..





يركب معكـ واحد .. تبي توصله لـ مشوار .. اول مايركب يزأر بوجهكـ .. ياخي طف المكيف !





انا ابنزل بعد شوي لمكان بارد .. تبي تمرضني ..





من اللي قالكـ ؟ [ندعوك للتسجيل في المنتدى أو التعريف بنفسك لمعاينة هذه الصورة]





نظرياً .. كلامه غير صحيح ..! بس انه خايف على نفسه زيادهـ (بعذرهـ من هالبرد اللي يشق الوجه [ندعوك للتسجيل في المنتدى أو التعريف بنفسك لمعاينة هذه الصورة]) ..





يعني اذا كان الأمر (متتابع) ممكن .. كلامه صحيح ..





لكن اذا انت راعي طويله .. وبتجلس في الجو هذا وقت .. وفي الجو الثاني وقت .. لا , نظريتكـ غلط !





- في الصيف تلقاكـ مشغل المكيف على البارد في اقصى سرعته .. تسمع صوت المكيف اقوى من صوت المكينه [ندعوك للتسجيل في المنتدى أو التعريف بنفسك لمعاينة هذه الصورة] ..





وتنزل للهواء الحار ..! طيب تعال انت ياللي ركبت قبل شوي [ندعوك للتسجيل في المنتدى أو التعريف بنفسك لمعاينة هذه الصورة] .. ليش هنا ماسكرت المكيف ؟ [ندعوك للتسجيل في المنتدى أو التعريف بنفسك لمعاينة هذه الصورة]





موب برضو فيه إنتقال من درجة حرارهـ لـ درجة اخرى ؟





طيب ليش ماجاكـ شي ؟ [ندعوك للتسجيل في المنتدى أو التعريف بنفسك لمعاينة هذه الصورة]





علمياً .. ونظرياً .. هذا مجرد خوف لا أكثر .. وافتراضات مالها صحه ..





لكن .. هم ينصحون ( بتدفئة الجو العام ) , يعني المكان يكون دافئ ( السيارهـ , او الغرفه ) افضل من انه يكون بارد او متعدل على حرارة الجو الطبيعيه .. الدفاء مامنه ضرر ابد .. لكن البرودهـ تأثر على الشعب الهوائيه والجهاز التنفسي ككل .. وتسبب الحمى ..





فيقولون .. لازم تدفئ المكان المحيط بكـ .. او إنكـ تلبس خلاقين [ندعوك للتسجيل في المنتدى أو التعريف بنفسك لمعاينة هذه الصورة] وخاصه الصغار ..





علشان يكون محيط جسمكـ .. دافئ لـ درجة حرارهـ ثابته ..