بزرع ورود الحب في خط ممشاك واشكر الله اني عرفتك

من طرف **admin** الإثنين فبراير 28, 2011 10:45 am

نبدأ ب ( ريم ) بطلة روايتنا ...

عمرها 18 سنه بثالث علمي دااافووورة وحلوة ملامحها
غريبة ع امها الفرنسية بيضاء شعرها لونه بين الاشقر والبني
عيونها عسلية كبيرة وهي احلى ما فيها طولها حلو
وعليها جسم واااااو واثقة من نفسها بشكل فضيع يعني اللي
ما يعرفهازين بيقول مغرورة رومنسييييية مرررة وحلمها كلية الطب >> الله يوفقها يا رب .

ريم : منتي صاحية من جدك ؟
سارة : اقولك احبه والله احبه
ريم : حتى ولو , مو عذر
سارة :ايش اللي مو عذر ؟ اقولك احببببه
ليش رافضة الفكرة انتي ؟
ريم : سارة وربي خايفة عليك
سارة : من ايش ؟ من خالد ! هو يحبني
وبعد ما اتخرج من الثانوي >> عقباااااالي
بيجي يخطبني
ريم : لا تصدقينه كلهم نفس الكلام
سارة : لا الا خالد غييييييرهم كلهم
ريم : سارة الله يخليك لا تعطينه صورك
سارة ( بعصبية شوي ) : ريم خلاص سكري الموضوع
ما اسمح لك تتكلمين عنه بهالطريقة
ريم : سارة اسمعي
سارة اتقاطعها : لا اسمع ولا شي ولا راح اتكلم معاك بالموضوع
مرة ثانية , عندك سالفة قوليها غير الموضوع هذا
ريم : الله يهديك بس , عموماً ماطول عليك ما عندي شي اقوله
وهذه خالتي تناديني برروح اشوف وش تبي
سارة : اوكي يله باي
ريم : باي

ريم وهي نازلة ع الدرج :

سمي يا خالتي ( خالتها زوجة عمها ) ريم عايشة في بيت
عمها امها اتوفت بعد ولادتها مباشرةً
ولما جت لخامس ابتدائي مات ابوها
وترك لها ثروة كبيرة وترك لها عمها
يعني مالها بالدنيا الاعمها خصوصاً انو
امها مو سعودية يعني ما تعرف خوالها
هذا اذا كان لامها اهل عايشين .
المهم خلونا نتكلم عن عمها شوي
عمها انسان طماع وجشع وفيه نذالة مو طبيعية
فلما مات ابوها استولى ع الورث كله.
زوجته عكسه تماماً وكانت دايم تحذره من عقاب ربي
وتذكره بالاية الكريمة ( واما اليتيم فلا تقهر )
بس ما كان يعطيها بال ويهاوشها اذا فتحت الموضوع معاه
ولما جاب ريم عنده في البيت معاملته لها عادية فيها برود وشوي قسوووة لكن مو مرة وهذا اللي خلى زوجته
ما تتكلم معاه بالموضوع انو اهم شي البنت ما تتأذى والفلوس ان شاء الله ماراح يقصر عليها
عمها اسمه :فهد 55سنة وزوجته حنان (اسم ع مسمى ) 43سنة
وعيالهم : شهد كبر ريم بثالث ادبي انسانه هاديه مرة
نادراً ما تتكلم حتى في المدرسة
دايم ريم تشوفها ساكته مع صديقاتها ولا تسولف معهم كثير
( ريم وشهد ولمى بمدرسة وحدة )
لمى اصغر منهم بثاني علمي انسانه فيها خفة دم
مو طبيعية وطيبة مرة بس عربجييييية[ندعوك للتسجيل في المنتدى أو التعريف بنفسك لمعاينة هذه الصورة]
ومتعصبة للكورة تعشق شي اسمه النصر
ودايم هي واخوها اللي اصغر منها هواش
اللي هو ماجد بثاني متوسط هلاااالي مووووت
واتعرفون عاد وش يصير اذا اجتمع هلالي مع نصراوي في بيت
واحد >> جعلكم ما تجربون قولوا امين[ندعوك للتسجيل في المنتدى أو التعريف بنفسك لمعاينة هذه الصورة]ههههه

واخيرا مشعل القعدة اخر العنقود بثاني ابتدائي

نرجع للدرج: ريم سمي يا خالتي
الخالة (حنان): تكفين قومي شهد
ريم: تامرين امر

راحت ريم لغرفة شهد اللي ياما حاولت تتقرب منها بس
هي حاطة حواجز بينهم مع العلم انو علاقة ريم مع لمى
اكثر من الخوات
دخلت ريم للغرفة تقوم شهد اللي قامت بعد طلعت الروووح
و ع قومتها سمعوا صوت صراخ ماجد
شهد: فيه مباراة بينهم اليوم ؟
ضحكت ريم وقالت مدري بس الظاهر كذا
بروح اشوف وش السالفة
نزلت بالصالة وشافت لمى حاضنة المخدة وحاطة الحرة فيها
وكاتمة الصيحة[ندعوك للتسجيل في المنتدى أو التعريف بنفسك لمعاينة هذه الصورة]
لما طلت ريم بالتلفزيون لقت النتيجة 1-0 للهلال
ضحكت ريم من غير شعور وما حست الا بشي يصقع راسها
التفتت ع لمى وقالت لها : اااااه وش دخلني تحطين حرة الهزيمة فيني؟
شهد: ريموووه انقلعي برى احسن لك
طلعت ريم لغرفتها انسدحت ع سريرها
وهي تفكر بسارة صاحبتها وش بيصير فيها ووش نهاية
علاقتها مع خالد!! ياربي تستر عليها
وع التفكير نامت ريم وما قامت الا ع صراخ ومهي قادرة تميز
صووووت مين! >>بعذرها توها صااااحية
فطلعت بسسسرعة تشوف وش صاير
لقتهم يتعشون وماجد ولمى هواش حتى ع العشاء
طبعاً المبارة توها تخلص
سألتهم من فاز؟
ردوا لمى وماجد بصوت واحد :هم تعادلوا معنا بالغش
بهاللحضات دخل عليهم الابو ( عم ريم )
فسكتوا جميعاً وبصوت واحد : مساء الخير يبه
ريم( بصوت واطي ) : مساء الخير عمي
رد: مساء النووور شلونكم ؟
ردوا: الحمدلله
الام : انت شلونك يابو ماجد ؟ عسى ما تعبت بالشغل؟
رد : لا الحمدلله
قامت ريم وقالت : تصبحون ع خير بروح انام و رقت لغرفتها
هي نادراً ما تجلس معهم اذا كان الابو موجود
تخاف يفشلها بكلمة او يجرحها والباب اللي يجيك منه ريح سده واسترييييييييييح

من بكره الصبااااااااااااااااااااااح :

ريم البست مريولها وطلعت تحت تفطر ما لقت احد ع السفرة الا شهد

ريم : صباح الخيييييير
شهد(بابتسامة هادية ): صباح النووور
ريم: وين الناس؟
شهد: ماجد عيا يصحى يقول ما نمت الا ثلاث
ولمى عليها اختبار كيمياء ولا ذاكرت بسبب المباراة اللي امس
ريم : وخالتي ومشعل وينهم ؟
شهد: امي تلبسه الحين ينزلووون

بعد 10 دقايق صاااامتة
نزل مشعل وقال: يله لا اتأخروني علي اذاعة اليوم
ريم: من عيوووووني كم ميشو انا عندي؟
مشعل: ريمووووه! تراني كبرت قوليلي مشعل مشعل مو ميشو
ريم: يسلم لي اللي كبر اجل خلاص بتغطى عنك
مشعل: احم احم ( يعدل لياقته) احسسسسن بعد
ريم وشهد: هههههه

في المدرسة :
دخلت ريم ولقت سارة وهنادي بوجهها :صبااااح الخير
ريم: صباااح الورررد

( سارة وهنادي صاحبات ريم من سادس ابتدائي )

وهم يمشون ف طريقهم للساحة الداخلية
ريم : وش ذا النفخ من الصبح؟
سارة: من جد ما يعرفون يتعاملون برقققة وهدووء
هنادي: ههههه ترى صار لكم ثلاث سنين بهالمدرسة ما تعودتوا
ع مستر سباااااك؟
( عيارة المراقبة اللي يكرهونها كل البنات )

الساعة 9 ونص صباحاً بالفسحة:

ريم وصاحباتها قاعدين يسولفون :
ريم : اهم شي يصير طيب ورومنسي
هنادي: اهم شي فلووووسه وبس
ريم: الفلوس تروح وتجي ما بيقى الا الطبايع الحلووة
هنادي: اي طبايع بالله عليك ؟ الفلوس هي اللي بتعيشك
ريم: لا والله تبين علاقتي فيه مثل العميل مع الصرافة هاه؟
هنادي : ايووه بالضبط
ريم: لا معليش ما فيه احلى من الحب
هنادي: ريم يا عمري تحبين وتتعبين ليه واخرتها
تكتشفين انك مو الوحيدة بحياته؟
ريم ( بثققققققة ): لا أأكد لك اني لما اتزوج واحد راح اصير الوحيدة بحياته
( ريم حلمها تعيش قصة حب تتوجها بالزواج سمعت
كلمة احبك كثيييير بس ما حركت فيها شعررررة )

هنادي : ههههه ان شاء الله ليش لا؟
ريم : سارونه شفيك ع الصامت ؟ وين وصلتي؟
هنادي: اكيد عند حبيب الالب خلوووودي
سارة : اااااه يا بنات وربي احببببه
ريم: سلامتك من الاه شفيك سارة؟
سارة : تعبت وربي احبه
ريم : سارة خلاص انسيه لا تضيعين وتضيعين اهلك معاك
سارة (بعصبية) : ريم لا تتدخلين فيني وبعدين وين الحب اللي تتكلمين عنه تو ؟
ريم: وش دخل هذا بهذا ؟
سارة: كيف وش دخل ؟انا وخالد نحب بعض وراح نتزوج قريب
ليه ما تبيني اعيش هالشي ؟
ريم : حب عن حب يفررررق يا سارة , خالد لو يحبك صدق
ما كان طلب منك صورك وهو يدري انو هالشي حرام
ويودي البنت بستين داهية وبعدين
انتي عارفة كيف صارت العلاقة بينكم عن طريق الشات
يعني بتفهميني انو ما قد قال لبنت قبلك نفس الكلام؟
سارة: لا مو مصدقة لهالدرجة تغارين مني يا ريم ؟
ريم: اغار؟!! انا خايفة عليك وابي مصلحتك
سارة : وانا مابي هالخوف واذا ع مصلحتي عارفتها زين ماني بزر عندك ترى عمري 18 سنه مو 8 سنوات
ريم حست انو مافيه امل ( وبعصبية) : اوكي خلاص معد افتح الموضوع مرة ثانية معاك
سارة( باستخفاااااف ) : يا ليت والله
هنادي : هدوا والله ما تسوى
سارة :يووووه وراحت وخلتهم
وبهاللحضات بكت ريم
هنادي : ريوم خلاص تدرين مو قصدها
ريم :وربي خايفة عليها والمجنونة تحسبني اغار منها
هنادي : خلاص الله يهديها بس

رجعت ريم للبيت ومالها خلق ابد سلمت ع الموجودين وراحت غرفتها ع طوووول
انسدحت ع السرير وهي منقهرررة انها تهاوشت مع سارة
ففكرت ترسل لها رسالة اعتذار
فتحت درجها عشان تاخذ الجوال ولقت رساالة من رقم غريب
ما تعرررفه وقرت الرسالة وكان مكتوب فيها :

يحن قلبي للحبايب ويشتاق
والشوووق يرسم طيفهم في منامي
احبهم واسهر والحب تواق
فيهم حديث النفس واحلا كلاااامي
لو يعرف المحبوب قدره بالاعماق ما يبتعد
عن وصلي ثوااااااني

نهااااااااااااااااااااية البارت الاول

عارفة انو ما فيه احداث كثيرة لكن حبيت يكون بهالطريقة
عشان تتعرفون ع ابطال الرواية والبارتات الجاية فيها احداث اكثر
ابي تفاعلكم عشان انزل البارت الجاي لاني لو ما لقيت ردود يعني ما اعجبتكم وبالتالي ماراح انزل البارت الثااني
ابي توقعاتكم وش بيصير بين ساره وريم ؟
هل بتخرب صداقتهم او بيتصالحون ؟
وتتوقعون من مين الرسالة اللي جت ع جوال ريم ؟

دمتم بألف خييييييير[ندعوك للتسجيل في المنتدى أو التعريف بنفسك لمعاينة هذه الصورة]بزرع ورود الحب في خط ممشاك واشكر الله اني عرفتك